Fundargerð fyrsta fundar veturinn 2004-2005
Miðvikudaginn 8.september 2004
Varaformaður
Lárus Sveinsson setti fund í fjarveru formanns Guðmundar
Hafsteinssonar og bauð félaga velkomna í nýtt húsnæði í
Lionsheimilinu. Vararitari Valdimar Jónsson las tvær
síðustu fundargerðir frá síðasta vori og voru þær samþykktar
samhljóða. Gjaldkeri William Gunnarsson fráfarandi stjórnar
bauð nýja stjórn velkomna að stjórnartaumunum og voru
viðhöfð merkjaskipti.
Las
formaður Lárus Sveinsson upp hverjir verða nefndarformenn og
einnig hverjir voru svo heppnir að lenda í nefndum. Viðhengi
meðfylgjandi. Ritari Valdimar Jónsson framkvæmdi nafnakall
þessu næst og var sæmileg mæting 20 mættir.
Fram
var borinn matur og var gert matarhlé. Ritari Valdimar
Jónsson greindi frá helstu afrekum á síðasta Lionsþingi í
vor á Sauðárkróki. Einnig greindi ritari Valdimar Jónsson
frá því að félagatal hafi tafist í prentun en mun vera
tilbúið á næsta fundi. Gjaldkeri Heiðar Sigurðsson greinir
frá að félagsgjald verður það sama og síðasta ár 15000.-
Boðið
var þá upp á kaffi og var tekið hlé. Dagskrá funda
haustsins var kynnt og var gert ráð fyrir góðri þátttöku í
haustferð sem er framundan þann 18 september næstkomandi.
Skemmti og útivistarnefnd gerði grein fyrir hvernig ferðinni
verði háttað og bað menn um að skrá sig til þátttöku.
Var þá
tekin fyrir önnur mál og voru Guðmundur Þórðarson og
Kristján Kristjánsson sammála um að húsgögnin í heimilinu
væru til skammar og óskuðu eftir því að stjórn kæmi á
framfæri við yfirstjórn kvörtunum um aðkomu klúbbsins að
“nýju húsi”. Nýr siðameistari tók sig til og sektaði
hóflega.
Fleira
ekki tekið fyrir og fundi slitið 20.05
Ritari
Valdimar
Jónsson
_____________________________________________________________________________________
Fundargerð 4 fundar 27 október 2004
Fundur
settur 18.45
Nafnakall , 28 með löglega mætingu
Fundargerðir annars og þriðja fundar lesnar upp og
samþykktar
Stefán
Skarphéðinsson Umdæmisstjóri boðinn velkominn á fundinn
William
greinir frá seinkun á uppgjöri og afhendir stjórn jakka Páls
Hreggviðssonar til eignar. Var þá gert matarhlé. Eftir mat
hélt umdæmisstjóri tölu þar sem hann kom inná helstu atriði
sem hann mun leggja áherslu áí vetur í sínu starfi sem
umdæmisstjóri. Að lokinni ræðu umdæmisstjóra var nokkuð um
fyrirspurnir sem Stefán svaraði að bragði. Fram komu tvær
tilllögur um staðsetningu jólahlaðborðs frá formanni Skemmti
og útivistarnefndar. Þórarinn óskaði eftir að
útivistarnefnd kæmi göngutúrunum á aftur. Sigurður
Danielsson sagði frá því að Fjárhagsnefnd væri með ymis mál
í vinnslu. Ásmundur segir frá því að samband hefði verið
haft við foreldrafélag einhverfra og fulltrúi þeirra muni
koma til okkar á fund til að skýra frá þeirra starfi til að
við getum gert okkur grein fyrir hvernig við getum best
hjálpað. Guðmundur Þórðarson tók til máls og taldi það í
verkahring skemmtinefndar að ákveða hvar jólahlaðborð færi
fram. Nokkrar umræður fóru fram undir liðnum önnur mál.
Húsbréfanefnd skilað þónokkrum peningum til gjaldkera fyrir
sölu á húsbréfum. Að lokum þakkaði Stefán fyrir sig og
siðameistari rukkaði nokkuð ríflega. Fundi slitið 21.05
________________________________________________________________________
Fundargerð 5 fundar miðvikudaginn 10 nóvember 2004
Fundur settur kl 18.45 að staðartíma og bað formaður gesti
velkomna. Viðhafði ritari annarskoar nafnakall þar sem hver
og einn stóð upp og kynnti sig. Las þá ritari upp
fundargerð 4 fundar og var hún samþykkt með einni
nafnabreytingu. Var þá tekið matarhlé. Á meðan á mat stóð
voru þeim sem ekki höfðu fengið afhent sín 100% merki afhent
þau. Eftir að mat lauk bauð formaður Eirík Þorláksson frá
Umsjónarfélagi einhverfra velkomin og sagði Eiríkur okkur
upp og ofan af starfsemi þeirra og hvernig við getum best
liðsinnt þeim. Verður formaður líknarnefndar í sambandi við
Eirík þegar liggur fyrir hvernig við getum liðsinnt þeim
best. Formaður félaganefndar tók þá til máls og sagði frá
því hvernig nefndin ætlar að sinna starfi sínu þennan
veturinn og þakkaði Guðmundi Þórðarsyni sérstaklega fyrir
störf hans í þágu nefndarinnar og klúbbsins. Tók þá nefndur
Guðmundur til máls og mælti með Jóhanni Guðnasyni sem
klúbbmeðlim. Ásamt því að bjóða Hörð Kristjánsson velkomin
sem gest á fundinn. Önnur mál voru þá tekin fyrir og var
rætt meðal annars um hvort við eigum að vera áfram í
Lionsheimilinu eða ekki frekar voru menn á því að fara,
einnig bað Jónas nýju mennina afsökunar á því að félagarnir
hefðu ekki verið nógu duglegir að kynnast þeim. Einnig var
minnt á jólahlaðborðið sem fram fer laugardaginn 4 des
næstkomandi að Hótel Heklu. Guðmundur Þórðarson minnti menn
á vesturferð sem farin verður i kringum 20 nóvember til að
sækja kjöt sem menn pöntuðu nú í haust. Að lokum var
Kjartan Kjartansson heiðraður í tilefni af 60 ára afmæli
hans 1.nóvember síðastliðinn.
Að
lokum rukkaðu siðameistari drjúgt.
Fundi slitið kl. 20.20
Fh
stjórnar
Valdimar Jónsson. Ritari
________________________________________________________________________
Lionsklúbburinn Týr
Innifundur miðvikudaginn 8.des
Lionsheimilið Sóltúni
Fundur
var settur að venju kl. 18.45 og bauð formaður alla félaga
velkomna. Framkvæmdi ritari nafnakall og var heldur slök
mæting eða 19 félagar en aðrir 5 fengu mætingu vegna
jólahlaðborðs. Þessu næst var fundargerð 6 fundar lesin upp
og samþykkt með öllum greiddum atkvæðum eftir svolitlar
umræður. Þá skýrði formaður frá árlegum heilsufundi sem
haldinn verður mánudaginn 27. desember í Saga Heilsa og Spa
í Kópavogi hjá félögum okkar Guðmundi og Kristmann. Tók þá
William til máls og bað menn að hafa allar frásagnir í
styttri gerðinni þar sem það gæti misskilist ef út í langar
frásagnir yrði farið. Stóð þá formaður Skemmti og
útivistanefndar upp og sagði frá jólahlaðborði sem farið var
á, á Laugardaginn 4des síðastliðinn. Komu þar saman 25
manns bæði félagar og makar og var gerður góður rómur að
bæði mat og drykk og ekki síst gistiaðstöðunni sem var til
sóma fyrir Hótel Heklu þar sem jólahlaðborðið var haldið.
Eftir þennan fyrirlestur var gert matarhlé og var á borð
borið þessi fína steik sem menn gerðu góð skil. Eftir að
matarhlé lauk tók formaður Yngingarnefndar sig til og sagði
frá starfi þeirrar nefndar og í stuttu máli er ekkert að
frétta af þeirri nefnd þar sem ekki hefur verið haldinn
fundur þar þetta haustið en formaðurinn lofaði bót og
betrun. Bað formaður klúbbsins menn um að taka frá
miðvikudaginn 26.01.04 fyrir þorrafund með sonum tengdasonum
og vinum og hvatti félagana til að koma með sem flesta með
sér. Var þá tekið kaffihlé og eftir það var tekin fyrir
umræða um Hjónavina kvöld sem haldið verður föstudaginn 11.
febrúar næstkomandi og voru menn sammála um að nú þyrfti að
gera skurk í því að finna efni við hæfi og var formaður
skemmti og útivistanefndar ásamt formönnum fjárhags og
líknarnefndar hvattir til að nýta sér þá reynslu sem byggi í
klúbbnum með því að nota þau sambönd sem fyrir eru. Þó
nokkrar umræður sköpuðust um þetta efni og voru menn ekki á
eitt sáttir hvort það tæki því að vera að leggja svo mikla
vinnu í þetta mál miðað við hversu lítið menn sælu af
fjármunum skila sér.
Siðameistari sektaði hóflega en þó þannig að menn gátu
borgað sektir sínar.
Fundi
slitið kl. 20.25
Fh
Stjórnar
Valdimar
Jónsson
Ritari
