Fiðlukonsert Tchaikovskys
Ég dansaði ein í nóttÉg dansaði ein
við grátandi fiðlusöng
frá gömlum plötuspilara
Og fölt ljósið
frá litla lampanum
kom ekki upp um mig
Því ég dansaði ein
Næturljóð
Á nóttunniþegar drekarnir öskra fyrir utan gluggann minn
og koddinn minn grætur
þá sakna ég vofunnar
sem klóraði mér um vangann
og kæfði mig í svefn
og ég veit
að hann mun aldrei framar bíta í varir mínar
Morgunljóð
Loks fremur sólin sín blóðugu morð,(skýin liggja í valnum)
hlæjandi dísir hennar
frelsa mig úr viðjum værðarinnar
og ég nýt feimin ásta við nýjan dag
Þessi undarlega tilfinning sem ég hef kosið að kalla sof
undarlegi heimur!þú rignir koddum og blæst hunangslegnum draumum.
ég er svefngengill.
mig dreymir þó ég vaki
og raunveruleikinn birtist mér gegnum dumbrautt ský skekktrar vitundar.
mmmmm...
hver myndi ekki velja súkkulaðimjólk fram yfir öll rauðvín veraldarinnar?
banaslys að vetri
leggðu hönd mér á vangaveturnótt
kvein þín renna köld
niður hendur mér og fætur
gráttu, ofurlítið
gráttu
áður en þú gleypir mig
Íslands veturnótt.
Rökkurljóð
þar sem himinninn blæðir fölleitum sóleyjumer brotna sem gler á jörðinni
og kaldur andardráttur trjánna
hvíslar slitróttum draumum horfinna nátta í eyru þín
þar bíðurðu hans enn
eins og dagurinn hafi aldrei komið og rænt honum.
Það er bara svona veður í dag
stundumþegar sumarið er alveg að fara að koma
þá klípur vorið mig í handlegginn
og kitlar mig undir iljunum
og hlær
en samt bara stundum
Óður til ekki-skýs
Hvert ertu að fara,sundurtætta vatn sem svífur yfir höfði mér?
Ég veit hvernig þér líður:
systkyni þín sem hafa þétt sér saman
til að sameinast firðinum
skilja ekki hvers vegna þú ráfar frá þeim...
þú færð sknús frá mér.
Farðu bara ekki of nálægt sólinni,
hún gæti étið þig.
Veðurfregnir
tröllin í fjöllunumandvörpuðu þungan í morgun
og sendu rakan andardrátt sinn
yfir borgina
okkur er öllum kalt
og tregi þeirra leggst yfir okkur
í djúpri þokukenndri lægð.
Dagbjört dís
